قاناد
درباره سایت
آخرین مطالب
امکانات وب
مي شيشه سي گر داشماسا لذت سيز اولار
ديوانه اگر چاشماسا عزت سيز اولار
عشقين اودونا چوخلو جوجوقلار يوگورر
اولده دئييرلر بكي قيمت سي اولار
بوينوندا دامارلاري شيشيرلر دئييشه نده
ايش بركه چاتاندا قاني غيرتسيز اولار
اؤزگورلوگه گاهدان بو كؤپكلرده هورر
داغلاري گزيشمك چاغي همت سيز اولار
حق موفته ياغيشلار دئيي گؤيدن تؤكوله
همت سيز اولان حق سيز حقيقت سيز اولار
دولدور يئنه مي جاميني بير يولدا دولاندير
حقا گؤز آج قالسا بصيرت سيز اولار
قوي اول قدر ايچسين جاني چيخسين اوراسيندان
ميخواره و ترياكي شرافت سيز اولار
زنجيره سيغيشماز قانادين آرزوسو هيهات
البتده كي حق عشقي نهايت سيز اولار
برچسب:
نویسنده: امیر کاظمی