قاناد
درباره سایت
آخرین مطالب
امکانات وب
او قدر درد گلیر کدر توکولور
آز قالیر کدره درده قویلانیم
دیری کن غوربته چکن لر منی
قویارلار سئودیگیم یئرده قویلانیم
کونول بیر خاطیرلا اوشاقلیق چاغین
او آنا سوفره سین آنا اوجاقین
او آنا قوللارین آنا قوجاقین
قایتارین ایچینده بیرده قویلانیم
چوکور اورگیمه بیر یامان قورخو
گؤزومو قیزدیرمیر بیر ایستی یوخو
آنا! لایلاییندان بیرینده اوخو
ایستیرم نغمه ده شعرده قویلانیم
بئش گونده من قالیدم قوجا دونیادا
اوغرادیم یولداشا تانیشا یادا
بیرده کیم سالاجاق قانادی یادا
گئدیرم خاطیره لرده قویلانیم
برچسب:
نویسنده: امیر کاظمی